PORINFANA POEMO PRI SEKSEDUKADO
far Steĉjo
21 julio 2002

Dio kreis bebon knaban
esti vigla laŭ natur':
Kuri, ludi, karamboli,
fali, salti, kaprioli.
Daŭran ŝtofon Li bezonis,
Tajlis el fortika ŝnur'.

De la ŝnuro iom restis;
Kion tajli el la plus'?
Etan aĵon Li fasonis,
Kaj Li nomis ĝin "falus'".

Dio kreis bebon inan
esti milda, gaja bunt':
Kudri, kanti, multbabili,
ridi, danci, hejmutili.
Belan ŝtofon Ŝi bezonis,
Tajlis el multkosta punt'.

Sed la punto ne sufiĉis,
Mankis ŝtofo--estis ŝok'!
Sed Ŝi estas nun kontenta,
ke nur restas eta lok'.


[Komparu kun la angla versio:

When God made little boy,
He made him out of string.
He had a bit left over,
So he made a little thing.

When God made little girl,
She made her out of lace.
She hadn't quite enough,
So She left a little place.]